Aralin 15 - Ang pandiwang 이다 "maging"

이다 ito ay pandiwa na sa Tagalog ay nangangahulugang “ay” o sa wikang Ingles naman ay “to be”. Ang pandiwang ito, hindi gaya sa ibang pandiwa ginagamitan ng paksa at bagay, ang pandiwang ito ay ginagamitan lamang ng paksa at ang bagay ay idinudugtong sa dulo ng pandiwang ito. Upang magamit ang pandiwang 이다 kailangang sundin ang pagkakasunod-sunod na:

[paksa] 은/는 [pangngalan] 이다.

                Halimbawa:

저는 선생님이다. = Ako ay guro.

그녀 학생이다. = Siya ay mag-aaral.

                Tandaan bagama’t ang mga pangungusap sa itaas ay hindi nakabanghay ito’y walang antas ng pagka-pormal at pag-galang. Naririto ang mga panuto sa pagbabanghay ng pandiwang ito.

Pangkasalukuyang Di-pormal na Mababang Paggalang

                Dugtungan ng ~이야 ang mga pangngalang nagtatapos sa katinig, o di kaya’y ~야 naman sa mga nagtatapos sa patinig. Halimbawa:

나는 학생이야 = Ako ay estudyante.

나는 의사야 = Ako ay doktor.

Pangkasalukuyang Di-pormal na Mataas na Paggalang

Dugtungan ng ~이에요 ang mga pangngalang nagtatapos sa katinig, at ~예요 sa mga salitang nagtatapos sa patinig. Halimbawa:

저는 학생이에요. = Ako ay isang estudyante.

저는 의사예요. = Ako ay isang doktor.

Pangkasalukuyang Pormal na Mataas na Paggalang

                Lahat ng pangngalan ay dagdagan ng ~입니다 (~이 + ~ㅂ니다). Halimbawa:

저는 학생입니다 = Ako ay estudyante.

저는 의사입니다 = Ako ay doktor.

Pangnagdaang Di-pormal na Mababang Paggalang

                Dugtungan ng ~이었어 ang lahat ng pangngalan, kung ito nama'y nagtatapos sa patinig maaaring ~였어 ang gamitin. Halimbawa:

나는 학생이었어 = Ako noo'y estudyante.

나는 의사였어 = Ako noo'y doktor.

Pangnagdaang Di-pormal na Mataas na Paggalang

Dugtungan ng ~이었어요 ang lahat ng pangngalan, kung ito nama'y nagtatapos sa patinig maaaring ~였어요 ang gamitin. Halimbawa:

나는 학생이었어요 = Ako noo'y estudyante.

나는 의사였어요 = Ako noo'y doktor.

Pangnagdaang Payak na Anyo

Ito ay kadalasang ginagamit sa pagsulat ng mga diyaryo o nama'y tala-arawan. Imbis na ~어(요) ang ilagay, ~다 ang idinadagdag. Halimbawa:

나는 학생이었다 = Ako noo'y estudyante.

나는 의사였다 = Ako noo'y doktor.

Pangnagdaang Pormal na Mataas na Paggalang

Dugtungan ng ~이었습니다 ang lahat ng pangngalan ngunit kung ito'y nagtatapos sa patinig maaaring ~였습니다 ang idugtong. Halimbawa:

저는 학생이었습니다 = Ako noo'y estudyante.

저는 의사였습니다 = Ako noo'y doktor.

Tapos na tayo sa pagkasalukuyan at pangnagdaan, papaano naman sa panghinaharap? Sa panghinaharap iba naman ang pamamaraan ng pagbabanghay. Di gaya sa normal na pandiwa ginagamitan ng ~겠~. Sa situwasyong ganito ang ginagawa ay, una kunin ang ugat na salita ng pandiwa, pangalawa, kapag ang ugat ay nagtatapos sa patinig ito’y dinudugtungan ng ~를 kapag naman sa katinig ~을 ang idinadagdag, at panghuli dinadagdag ang ~것 이다. Halimbawa:

나는 먹을 것이다 = Ako ay magiging bagay na kakain. ( Sa Korean ito’y nangangahulugang “Ako ay kakain.” )

                Papaano naman sa salitang “magiging”? Sa Korean ginagamit ang pandiwang 되다 na nangangahulugang “magiging.” Halimbawa:

나는 선생님이 될 거야. = Magiging guro ako.

                Tandaan sa paggamit ng 되다, imbis na ~를/을 ang ginagamit, ang ginagamit ay ~이/가. Sa mga susunod na aralin natin ito tatalakayin.

« Nakaraan Kasunod »